Tobut mingan Otam-onam mening

Yo`lim to`sma, yolg`on dunyo,
Ketib olay, poyin tavof etib olay.
To`xta, ey xalq, yetib olay,
Tobut mingan otam mening,
Hech topilmas donam mening.

Qoch, ey dunyo, tutma qo`lim,
Yetar, shuncha to`sding yo`lim.
Mehrimga zor, mehri bo`lim,
Tobut mingan onam mening,
Hech topilmas donam mening.

Dunyo dedim, ketdim uzoq,
Shon-obro`ga qo`ydim tuzoq. (x2)
Yoydek qaddi, sochlari oq, {x2}
Tobut mingan otam mening,
Hech topilmas donam mening. (x2)

Bir bormadim topib imkon,
Olib to`rtta ming so`mlik non. (x2)
Yo`lim poylab, bergandur jon, {x2}
Tobut mingan otam mening,
Hech topilmas donam mening.

Bilmasamda farzlarimni,
Jim tinglar u arzlarimni.
Qanday to`lay qarzlarimni? {x2}
Tobut mingan onam mening,
Hech topilmas donam mening. (x2)